اذهب فاخبر

بقلم: نانسي سامي لايف كوتش معتمد مرشد نفسي وأسري

الحكايه

الحكايه مش مجرد بعد أو قرب وخلاص لا دي أكبر من كده بكثير ده اهتمام  وتقدير واحتواء ومعزه، بنستغرب آوي ازاي الشخص ابتعد فجاه كده  بعد واختفي وخلاص تضرب أخماس في أسداس  . مش عارف  إيه اللي حصل وأنا عملت إيه لكل ده ، زعلته  في إيه هو أنا استاهل كده! اسئله  كتير بتدور في بالنا وللأسف ملهاش إجابات تفسرك إللي حصل ولا تهدي بالك وتطفى نار حيرتك بالعكس لخبطه  كتير  وظنون اكتر. كل ده علشان ابتعاد مش مفهوم ومش عارفين كان مقصود ولا لا! للأسف أكثر المواقف إللي بتحصل بين اثنين بسبب أي سبب وخلاص أو يمكن مفيش سبب واضح، علاقات كثيره بتضيع وتنتهي بالاسلوب الغامض ده، مش دي بس المشكلة

المشكلة

المشكلة إنه لما الطرف ده بيحاول يرجع  بيلاقي كل حاجه اتغيرت في الشخص ده بيلاقيه حد تآني مختلف وبستغرب جدا هو ايه اللي غيره كده! لا نفس  طريقه التعامل ولا نفس مشاعره  ولا حتي فرحته برجوعه، عارفين كل ده ليه مش مجرد عند و لا بيرد اعتباره ولا بيرد له اللي عمله فيه ويحسسه بنفس الإحساس إللي حسه منه،لا خالص كل الحكايه إن البعد بيغير الحيره من أمره بتغير كسره القلب والخاطر بتغير الاشتياق بيغير، عدم الرد والامبالاه بيقوي ويقسي القلب إللي كان في يوم من الايام مفيش احن منه..

جاتلي بنوته تاخد معايا coaching session بعد ما انفصلت عن خطيبها إللي  كانت بتحبه جدا  وكانوا متفاهمين لاقصي درجه كانوا متفقين  علي كل حاجه في حياته وعلاقتهم كانت جميله جدا زي ما بتقول  كانوا بيقدروا بعض وبيحترموا بعض جدا  مش بيخلوا علي بعض في الاهتمام زاا ميم بيسال  ولا مين بيتصل الأول   كانوا بيتسابقوا في الاطمئنان علي بعض مش مين اتصل وسأل الأول الاهتمام والحب  والثقه  إللي متعودين  عليه في علاقتهم  لحدما في يوم حصل موقف ببحصل معانا كلنا وبيحصل مع ناس كتير   مننا وهو إن والبنت دي قاعده في مكان مع خطيبها قابلت زميل لها من أيام الجامعة  كان زميلها في فتره الجامعة وبعد الجامعة اتدربوا مع بعض في شركة  لفتره وبعدين كل واحد اشتغل في مكان وانقطعت اخبارهم والاتصال لظروف الحياه  ولما اتقابلوا وعرفتهم  علي بعض  أخدوا يتبادلوا الحديث والضحكات والذكريات  وبعد كده سلموا علي بعض وكل واحد رجع مكانه عادي صدفه  وبتحصل وعدي الموقف علي البنت عادي مفيش حاجه تخبيها أو تتكسف منها لكن معداش  علي خطيبها  عادي  فضل ينظر لها في صمت  هي حاسه  إنه أتغير شوية  بعدها بس  هو ساكت خالص مش بيقول حاجه لا تعليق   خلصوا  قاعدتهم وكل واحد روح علي، بيته،  ولكن من اليوم ده خطيبها مش زي الأول معاها مش هو متغير شويه هي حاسه بده  بس،مش فاهمه ليه.  بتحاول تفتح معاه كلام وهزار زي ما متعوده ولكن هو لسه متغير محير فضلوا علي،الوضع ده فتره لحد ما البنت،قررت تتكلم وتواجهه إيه اللي،حصل ? إيه اللي غيرك ?  إيه اللي غير،علاقتنا كده ? أخيرا  أتكلم  افتح عن ما بداخله ولكن متأخر شويه بعد ما خباه بداخله فتحول لشك وعدم ثقه هي ليه محكتليش عن زميلها ده ترك الفكر  الشك يكبر جواه بدل ما يروح ويتكلمم معاهاويستفسر للأسف بو كان أتكلم في وقتها ماكان حصل كل ده لا هو شك  لا هي بعدت، إستغربت من رد فعل ده ! ولا هو قدر يبرر موقفه ده ولا هي قدرت تسامحه  علي عدم مصارحته  لها ولا ظنه ده.لان  الصوره اللي في خيالها  اتهزت…

بلاش تجرحوا بعض بلاش اختبارات قاسيه ليكم ولمشاعركم مش سهل لحد يقدر يعديها.قولوا إللي جواكم في وقتها بدل ما تجروا وتبعدوا عبروا عن مشاعركم في لحظتها بدل ما تدفنها جواك وتفضل تكبر وتتعقد جواك، في حاجات لما بتضيع  مننا بنندم عليها مش بس لأنها ضاعت لأنها نادره وجميله وصادقه ومش سهل نلاقيها تاني ومش سهل تتعوض وملهاش بديل ، رفقا بأنفسكم  وبمن تحبون ، التمسوا الاعذار وعدوا الحاجات البسيطه

كل حاجه أعطيها حجمها  الطبيعي والمناسب لا تقل ولا تزيد منها. خليك فاكر إن أسهل واقصر وانجح طريقه هي التعبير والافصاح عن ما يدور في أعماق قلبك  في نفس الوقت، لو بتحب حد بجد متحيروش متعذبوش .. لو بتحب حد بجد قولوا